We're still developing the platform. Your feedback will help us improve.
Այս ուղեցույցի միջոցով հնարավոր է տեղեկանալ Հայաստանում կառուցապատման ընթացակարգի բոլոր հաջորդական քայլերի մասին՝ նախագծման թույլտվությունից մինչև ավարտական ակտի ստացումը: Ուղեցույցը կօգնի ճիշտ կերպով իրականացնել կառուցապատումը՝ խուսափելով բարդություններից։
Նախքան կառուցապատման և շինարարական աշխատանքների մեկնարկը ընդհանուր պատկերացում կազմիր ոլորտի մասին։ Տեղեկացիր, թե ով կարող է կառուցապատում իրականացնել և որ պետական մարմինների հետ պետք է համագործակցել։
Տեղեկացիր, թե ինչ է կառուցապատման նախագծի թույլտվությունը, երբ և որտեղ պետք է դիմել այն ստանալու համար, և կախված շինության ռիսկայնության աստիճանից՝ ինչ ժամկետներում է այն գործում։
Տեղեկացիր, թե ինչ փաստաթղթեր են անհրաժեշտ շինարարության թույլտվություն ստանալու համար և դիմիր Երևանի քաղաքապետարան կամ համայնքապետարան այն ստանալու համար։
Շինթույլտվությունը ստանալուց հետո դիմիր պահանջվող փաստաթղթերով Երևանի քաղաքապետարան կամ համայնքապետարան շինարարության մեկնարկի վերաբերյալ տեղեկանք ստանալու համար։
Կառուցապատման թույլտվությունները ստանալուց և նախատեսված աշխատանքները կատարելուց հետո, որպես կառուցապատումն իրականացնող կողմ, ձևավորիր կառուցապատումը ընդունող հանձնաժողով և այնտեղ ներգրավիր ներկայացուցիչ քաղաքապետարանից կամ համայնքապետարանից։
Կառուցապատման աշխատանքները սահմանված կարգով իրականացնելուց հետո դիմիր քաղաքապետարան կամ համայնքապետարան շինության ավարտական ակտը ստանալու համար։ Ավարտական ակտը թույլ կտա շահագործել շինությունը։
Կառուցապատումը որևէ հողամասում կամ արդեն կառուցված շինության մեջ շինարարական աշխատանքների իրականացումն է։
Կառուցապատողը կարող է լինել անհատ կամ կազմակերպություն, ով․
Կառուցապատողն իրավունք ունի իրականացնելու քաղաքաշինական գործունեություն, այսինքն՝ կատարելու շինարարական աշխատանքներ։
Շինությունները (կառուցվող օբյեկտները) ունեն ռիսկայնության 5 աստիճան՝
Ցածր ռիսկայնության աստիճանի շինությունները են ընթացիկ նորոգման, ներքին հարդարման, տարածքների բարեկարգման և այլ փոքրածավալ աշխատանքների ենթակա օբյեկտները։ Այս դեպքում նախագծման և շինարարության թույլտվություններ անհրաժեշտ չեն։
Միջին ռիսկայնության աստիճանի շինություններն են պարզ և փոքրածավալ շինարարական օբյեկտները։ Դրանց նախագծային փաստաթղթերի փորձաքննությունը փոխարինվում է նախագծող կազմակերպության, որակի տեխնիկական հսկողության կամ շինարարական կազմակերպության երաշխավորագրերով:
Միջինից բարձր ռիսկայնության աստիճանի շինություններն են միջին և բարձր կատեգորիաների ռիսկայնության միջակայքի ցուցանիշներով օբյեկտները։ Դրանց նախագծային փաստաթղթերը ենթակա են պարզ փորձաքննության:
Բարձր ռիսկայնության աստիճանի շինություններն են՝ հատուկ և կարևորագույն նշանակության շինարարական օբյեկտները։ Դրանց նախագծային փաստաթղթերը ենթակա են պետական համալիր փորձաքննության։
Բարձրագույն ռիսկայնության աստիճանի շինությունները են հատկապես վտանգավոր, տեխնիկապես բարդ, 2 և ավելի պետությունների շահերին առնչվող (կամ սեյսմիկ պաշտպանության ոլորտի հատուկ նշանակության) օբյեկտները։ Դրանց նախագծային փաստաթղթերը ենթակա են հատուկ համալիր փորձաքննության, իսկ թույլտվությունների տրամադրման պայմաններն ու ժամկետները ամեն առանձին դեպքի համար սահմանում է ՀՀ կառավարությունը։
Կառուցապատման թույլտվության և շինությունը շահագործման հանձնելու համար անհրաժեշտ է ունենալ 3 հիմնական թույլտվություն․
նախագծման թույլտվություն (ճարտարապետաշինարարական առաջադրանք),
շինարարության թույլտվություն (տրվում է նախագծային փաստաթղթերի համաձայնեցումից հետո՝ ընդգրկելով նաև քանդման թույլտվությունը՝ որպես մեկ փաստաթուղթ),
ավարտական ակտ (տրվում է շահագործման թույլտվության հետ՝ որպես մեկ փաստաթուղթ)։
Բնակարանների ներքին հարդարման համար շինարարական թույլտվություններ անհրաժեշտ չեն։ Ինչպես նաև շինթույլտվություն անհրաժեշտ չէ ցածր ռիսկայնության աստիճանի օբյեկտների ընթացիկ նորոգման, ներքին հարդարման, տարածքների բարեկարգման և այլ փոքրածավալ շինարարական աշխատանքների համար։
Անհրաժեշտության դեպքում Երևանի քաղաքապետարանի հետ պետք է համաձայնեցնել էսքիզային նախագիծ հետևյալ աշխատանքների համար․
արտաքին դռների և դարպասների փոխում, փոխարինում, վերականգնում և վերանորոգում,
արտաքին լուսամուտների փոխում, փոխարինում, արտաքին պատերի բացվածքներում ցուցափեղկերի փոփոխություն,
պատշգամբների բազրիքների արտաքին տեսքի ձևափոխում` առանց կոնստրուկտիվ փոփոխությունների,
երեսապատումների նորոգում, փոխում, փոխարինում,
քիվերի և այլ դեկորատիվ էլեմենտների վերականգնում,
մայթերը և շենքերը շրջափակող սալահատակների փոխում, փոխարինում, մայթերի առանձին եզրաքարերի ուղղում, վերաշարում, փոխում, փոխարինում, դրանք շրջափակող տարածքների ասֆալտապատում և նորոգում` բացառելով հատակագծային նիշերի փոփոխությունները,
ընդհանուր օգտագործման տարածքներում փոքր ճարտարապետական ձևերի և կառուցվածքների (ծածկարան, ճոճանակ, ցայտաղբյուր, խաղահրապարակ, նստարաններ, աղբարկղ և այլն) տեղադրում։
Նախագծման թույլտվությունը (ճարտարապետահատակագծային առաջադրանք) փաստաթուղթ է, որը․
Թույլտվության հետ միաժամանակ, ըստ անհրաժեշտության, անվճար տրամադրվում են նաև մատակարար կազմակերպությունների (օրինակ՝ ջրի, գազի, էլեկտրականության միացման համար) կողմից սահմանված տեխնիկական պայմանները:
Նախագծման թույլտվություն ստանալու համար պետք է դիմել համապատասխան մարմիններին՝ կախված կառուցապատման վայրից:
Նախագծման թույլտվության դիմելու համար անհրաժեշտ է ներկայացնել հետևյալ փաստաթղթերը․
Ո՛չ, նախագծի թույտվությունը տրամադրվում է անվճար։
Նախագծման թույլտվության ժամկետները կախված են շինության ռիսկայնության աստիճանից։
Շինարարության թույլտվությունը պաշտոնական փաստաթուղթ է, որը.
Ուշադրություն
Եթե նոր շինության համար պետք է քանդել գոյություն ունեցող շինություն, անհրաժեշտ է այդ մասին նշել թույլտվության դիմումը ներկայացնելիս:
Շինարարության թույլտվությունը ստանալու համար կարող են դիմել Ֆիզիկական և իրավաբանական այն անձիք, որոնք անշարժ գույքի սեփականատերերն են։
Շինարարության թույլտվության կարող են դիմել նաև սեփականատերերի օրինական ներկայացուցիչները, որոնք լիազորված են սեփականատերերի կողմից։
Շինարարության թույլտվության դիմելու համար անհրաժեշտ է ներկայացնել հետևյալ փաստաթղթերը․
դիմողի անձը հաստատող փաստաթուղթը (իրավաբանական անձի դեպքում՝ պետական ռեգիստրի գրանցման քաղվածքը), իսկ որպես օրինական ներկայացուցիչ հանդես գալու դեպքում՝ նաև համապատասխան լիազորագիրը,
կառուցապատողի կողմից հաստատված նախագծային փաստաթղթերը (2 օրինակից),
փորձաքննության դրական եզրակացությունը, իսկ սահմանված դեպքերում՝ նախագծային փաստաթղթերը մշակող կապալառուի գրավոր երաշխավորագիրը,
շինարարության թույլտվության համար պետական տուրքի անդորրագիրը։
Շինարարության թույլտվություն ստանալու համար սահմանված են պետական տուրքեր։
Կախված շինության մակերեսից՝ անհրաժեշտ է վճարել․
75,000 ՀՀ դրամ՝ մինչև 200 քառակուuի մետր ընդհանուր մակերեu ունեցող հաuարակական և արտադրական նշանակության շենքերի և շինությունների համար,
150,000 ՀՀ դրամ՝ 200-ից մինչև 500 քառակուuի մետր ընդհանուր մակերեu ունեցող շենքերի և շինությունների համար,
250,000 ՀՀ դրամ՝ 500-ից մինչև 1,000 քառակուuի մետր ընդհանուր մակերեu ունեցող շենքերի և շինությունների համար,
350,000 ՀՀ դրամ՝ 1,000-ից մինչև 3,000 քառակուuի մետր ընդհանուր մակերեu ունեցող շենքերի և շինությունների համար,
700,000 ՀՀ դրամ՝ 3,000-ից և ավելի քառակուuի մետր ընդհանուր մակերեu ունեցող շենքերի և շինությունների համար։
Շինարարության թույլտվությունը տրամադրվում է դիմումը ներկայացնելուց հետո մինչև 15 աշխատանքային օրվա ընթացքում՝ ըստ շինության ռիսկայնության 1-ից 4-րդ աստիճանի, որը սահմանում է ՀՀ քաղաքաշինության կոմիտեն։
Շինարարության թույլտվության հիման վրա նախատեսվող աշխատանքները սկսելուց առնվազն 3 օր առաջ կառուցապատողը պարտավոր է այդ մասին համապատասխան տեղեկանքով իրազեկել Երևանի քաղաքապետարանին կամ համայնքապետարանին (եթե շինությունը գտնվում է մարզում):
Տեղականքը չներկայացնելու դեպքում կառուցապատման օբյեկտի համար տրված շինարարության թույլտվությունը ժամանակավորապես կարող է կասեցվել։
Այո՛, հնարավոր է:
Տեղեկանքի համար անհրաժեշտ է ներկայացնել.
դիմողի անձը հաստատող փաստաթուղթը (իրավաբանական անձի դեպքում՝ պետական ռեգիստրի գրանցման վկայականի պատճենը), իսկ որպես օրինական ներկայացուցիչ հանդես գալու դեպքում՝ նաև համապատասխան լիազորագիրը,
կառուցապատողի կողմից հաստատված նախագծային փաստաթղթերը,
փորձաքննության դրական եզրակացությունը, իսկ սահմանված դեպքերում՝ նախագծային փաստաթղթերը մշակող կապալառուի գրավոր երաշխավորագիրը։
Ո՛չ, շինարարության մեկնարկի մասին տեղեկանքը տրամադրվում է անվճար:
Շինարարությունը ավարտելուց հետո անհրաժեշտ է կազմել ավարտված շինարարական օբյեկտի շահագործման ընդունող հանձնաժողով և նրա կազմում ընդգրկել Երևանի քաղաքապետարանի կամ համայնքապետարանի (եթե շինությունը գտնվում է մարզում) աշխատակազմի ներկայացուցչի կամ ներկայացուցիչների։
Ընդունող հանձնաժողովը ձևավորում և ղեկավարում է կառուցապատողը կամ նրա օրինական ներկայացուցիչը, իսկ հանձնաժողովի աշխատանքն իրականացվում է կառուցապատողի հաշվին։
Ընդունող հանձնաժողովը կառուցապատողին պետք է տրամադրի ակտ՝ այն ստորագրելուց հետո առավելագույնը 10-օրյա ժամկետում։ Դա կարևոր է, քանի որ տվյալ ակտի հիման վրա այդ նույն 10-օրյա ժամկետում կառուցապատողը պետք է նաև դիմում ներկայացնի ավարտական ակտ (շահագործման թույլտվություն) ստանալու համար։
Երևանի քաղաքապետարանի կամ համայնքապետարանաի ներկայացուցչին շինարարական օբյեկտն ընդունող հանձնաժողովում ներգրավելու համար անհրաժեշտ է ունենալ․
Կառուցապատման ավարտական ակտը ստանալու համար անհրաժեշտ է ներկայացնել․
Շինության ավարտական ակտը ստանալու համար սահմանված են տեղական տուրքեր։
Կախված շինության մակերեսից՝ անհրաժեշտ է վճարել․
Բացի ավարտական ակտից՝ անհրաժեշտ է վճարել նաև շահագործման թույլտվության համար հետևյալ կերպ․
25,000 ՀՀ դրամ՝ մինչև 100 քառակուսի մետր ընդհանուր մակերես ունեցող շենքերի և շինությունների դեպքում,
50,000 ՀՀ դրամ՝ 100-ից մինչև 500 քառակուսի մետր ընդհանուր մակերես ունեցող շենքերի և շինությունների դեպքում,
100,000 ՀՀ դրամ՝ 500-ից մինչև 1,500 քառակուսի մետր ընդհանուր մակերես ունեցող շենքերի և շինությունների դեպքում,
150,000 ՀՀ դրամ՝ 1,500-ից և ավելի քառակուսի մետր ընդհանուր մակերես ունեցող շենքերի և շինությունների դեպքում։
Շինության ավարտական ակտը ստանալու համար հնարավոր է դիմել, երբ․
