Ստանալ Երևանում շինարարության թույլտվություն

BETA

We're still developing the platform. Your feedback will help us improve.

Real Estate

Ստանալ Երևանում շինարարության թույլտվություն

Շինարարության թույլտվությունը փաստաթուղթ է, որի միջոցով կառուցապատողը կառուցապատման նպատակով տրամադրված հողամասում կամ գոյություն ունեցող շենքերում և շինություններում շինարարական գործունեություն իրականացնելու կամ ոչ հիմնական շինություն տեղադրելու իրավունք է ձեռք բերում։

Ընդ որում՝ ճարտարապետաշինարարական նախագծի համաձայնեցման և շինարարության թույլտվության տրամադրումը կատարվում է ﬕաժամանակ՝ կառուցապատողի կողմից ներկայացված ﬔկ դիմումի հիման վրա:

You can apply for this service in person by booking an appointment in advance.

Who Can Apply?

ֆիզիկական և իրավաբանական անձինք

Application Duration

Մինչև 15 րոպե

Service Cost

75,000 - 700,000 ՀՀ դրամ

Delivery Duration

Մինչև 15 աշխատանքային օր

Ստորև նշված քայլերը անհրաժեշտ է կատարել «Շարունակել» կոճակը սեղմելուց հետո։

Երևան քաղաքի վարչական տարածքում շինարարության թույլտվություն ստանալու հայտ ներկայացնելու համար անհրաժեշտ է․

այցելել yerevan.am,
ընտրել «Մեկ պատուհան» բաժինը,
ընտրել «Նախագծային փաստաթղթերի համաձայնեցման և շինարարության թույլտվության տրամադրման դիմում» ծառայությունը,
ծանոթանալ ներկայացված փաստաթղթերի ցանկին, բեռնվող փաստաթղթին (հայտ) և ձևանմուշին,
սեղմել «Ուղարկել առցանց դիմում կոճակը»,
լրացնել տվյալները կամ անցնել «ԵսԵմ» նույնականացում,
ընտրել դիմողի տեսակը՝ ֆիզիկական կամ իրավաբանական անձ,
լրացնել պահանջվող տվյալները, կցել անհրաժեշտ փաստաթղթերը և հանձնել դիմումը (պետք է կցել լրացված և ստորագրված դիմումը PDF, իսկ այլ կից ֆայլերը՝ PDF և JPEG ձևաչափերով, մեկ ֆայլի առավելագույն ծավալը՝ 50 MB)։

Ներկայացվող պահանջները

Շինարարության թույլտվություն ստանալու համար առցանց դիմելիս անհրաժեշտ է ունենալ պետական գրանցում ստացած հողատարածք կամ անշարժ գույք և դրա սեփականության իրավունքի վկայականը։

Պահանջվող փաստաթղթերը

Առցանց դիմելու համար անհրաժեշտ է ներկայացնել.

դիմողի անձը հաստատող փաստաթուղթը (իրավաբանական անձի դեպքում՝ պետական ռեգիստրի գրանցման քաղվածքը), իսկ որպես օրինական ներկայացուցիչ հանդես գալու դեպքում՝ նաև համապատասխան լիազորագիրը,
կառուցապատողի կողմից հաստատված նախագծային փաստաթղթերը (2 օրինակից),
փորձաքննության դրական եզրակացությունը, իսկ սահմանված դեպքերում՝ նախագծային փաստաթղթերը մշակող կապալառուի գրավոր երաշխավորագիրը։

Վճարման չափը և կարգը

Շինարարության թույլտվության համար անհրաժեշտ է վճարել պետական տուրք։

75,000 ՀՀ դրամ՝ մինչև 200 քառակուuի մետր ընդհանուր մակերեu ունեցող հաuարակական և արտադրական նշանակության շենքերի և շինությունների համար,
150,000 ՀՀ դրամ՝ 200-ից մինչև 500 քառակուuի մետր ընդհանուր մակերեu ունեցող շենքերի և շինությունների համար,
250,000 ՀՀ դրամ՝ 500-ից մինչև 1,000 քառակուuի մետր ընդհանուր մակերեu ունեցող շենքերի և շինությունների համար,
350,000 ՀՀ դրամ՝ 1,000-ից մինչև 3,000 քառակուuի մետր ընդհանուր մակերեu ունեցող շենքերի և շինությունների համար,
700,000 ՀՀ դրամ՝ 3,000-ից և ավելի քառակուuի մետր ընդհանուր մակերեu ունեցող շենքերի և շինությունների համար։

Տրամադրման կարգը և ժամկետը

Դիմելուց հետո տրամադրված էլեկտրոնային փոստի հասցեին և հեռախոսահամարին դիմողն անմիջապես ստանում է ծանուցում, որտեղ նշված է թվային ծածկագիր, որի միջոցով հնարավոր է առցանց հետևել դիմումի ընթացքին։
Շինարարության թույլտվությունը տրամադրվում է դիմումը ներկայացնելուց հետո մինչև 15 աշխատանքային օրվա ընթացքում՝ ըստ շինության ռիսկայնության 1-ից 4-րդ աստիճանի, որը սահմանում է ՀՀ քաղաքաշինության կոմիտեն։
Թույլտվությունը պատրաստ լինելու մասին ծանուցումը ստանալուց հետո անհրաժեշտ է այն ստանալու համար մոտենալ Երևանի քաղաքապետարանի «Մեկ պատուհան» գրասենյակ՝ ներկայացնելով անձը հաստատող փաստաթուղթ (անհրաժեշտության դեպքում՝ նաև լիազորագիր)։

Ուշադրություն
Կառուցապատողը պարտավոր է շինարարության թույլտվության հիման վրա նախատեսվող աշխատանքները սկսելուց առնվազն 3 օր առաջ այդ մասին համապատասխան տեղեկանքով իրազեկել Երևանի քաղաքապետարանին (տեղական ինքնակառավարման մարմնին):

Հղում օրենսդրությանը

«Քաղաքաշինության մասին» ՀՀ օրենք
«Պետական տուրքի մասին» ՀՀ օրենք
ՀՀ կառավարության՝ 2015 թվականի մարտի 19-ի N 596-Ն որոշում
ՀՀ կառավարության՝ 2012 թվականի մարտի 16-ի N 405-Ն որոշում

Իրավական ակտերը հնարավոր է գտնել arlis.am-ում։

For service support:

Working hours:
9:00 AM - 6:00 PM

Phone number:
1-05

This service is available through other channels.

Different channels may require different amounts of time and resources.

Apply In-Person

Service Provider

Yerevan Municipality

[email protected]https://www.yerevan.am