Ստորև նշված քայլերը անհրաժեշտ է կատարել «Շարունակել» կոճակը սեղմելուց հետո.

• այցելել yerevan.am,
• ընտրել «Մեկ պատուհան» բաժինը, 
• «Կառուցապատման թույլտվությունների և քաղաքաշինական փաստաթղթերի դիմումներ» բաժնից ընտրել «Շինարարական աշխատանքները սկսելու մասին տեղեկանք /Ձև2-5/» ծառայությունը,
• ծանոթանալ ներկայացված փաստաթղթերի ցանկին, բեռնվող փաստաթղթին և ձևանմուշին,
• սեղմել «Ուղարկել առցանց դիմում կոճակը»,
• լրացնել տվյալները կամ անցնել «ԵսԵմ» նույնականացում,
• ընտրել դիմողի տեսակը՝ ֆիզիկական կամ իրավաբանական անձ,
• լրացնել պահանջվող տվյալները, կցել անհրաժեշտ փաստաթղթերը և հանձնել դիմումը (պետք է կցել լրացված և ստորագրված դիմումը PDF, իսկ այլ կից ֆայլերը՝ PDF և JPEG ձևաչափերով, մեկ ֆայլի առավելագույն ծավալը՝ 50 MB)։
  
  

Ներկայացվող պահանջները

Շինարարական աշխատանքների սկսելու մասին տեղեկանքը ստանալու համար անհրաժեշտ է ունենալ․

• պետական գրանցում ստացած հողատարածք կամ անշարժ գույք և դրա սեփականության իրավունքի վկայականը,
• շինարարական աշխատանքների թույլտվություն։
  
  

Անհրաժեշտ փաստաթղթերը

Առցանց դիմելու համար անհրաժեշտ է ներկայացնել.

• դիմողի անձը հաստատող փաստաթուղթը (իրավաբանական անձի դեպքում՝ պետական ռեգիստրի գրանցման վկայականի պատճենը), իսկ որպես օրինական ներկայացուցիչ հանդես գալու դեպքում՝ նաև համապատասխան լիազորագիրը,

• կառուցապատողի կողմից հաստատված նախագծային փաստաթղթերը,

• փորձաքննության դրական եզրակացությունը, իսկ սահմանված դեպքերում՝ նախագծային փաստաթղթերը մշակող կապալառուի գրավոր երաշխավորագիրը։
  
  

Տրամադրման կարգը և ժամկետը

• Տեղեկանքը ներկայացնելուց հետո այն ընդունվում է ի գիտություն, և այդ մասին Երևանի քաղաքապետարանը եռօրյա ժամկետում գրավոր տեղեկացնում է նաև ՀՀ քաղաքաշինական պետական կոմիտեին` կցելով տեղեկանքի պատճենը։
• Եթե հաստատված ընթացակարգով սահմանված ժամկետներում չի ներկայացվում տեղեկանքը, ապա դա հիմք է՝ տրված շինարարության թույլտվության գործողությունը Երևանի քաղաքապետարանի կողմից ժամանակավորապես կասեցնելու համար:
• Եթե շինարարության ընթացքում փոփոխվում են շինարարության (կամ քանդման) թույլտվության և (կամ) տեղեկանքով նախկինում ներկայացված տվյալները, ապա կառուցապատողը պարտավոր է նույն ձևաթղթով 5-օրյա ժամկետում Երևանի քաղաքապետարանի «Մեկ Պատուհան» մուտքագրել փոփոխված տեղեկատվությանը վերաբերող համապատասխան տեղեկանքը:

Հղում օրենսդրությանը

ՀՀ կառավարության՝ 2015 թվականի մարտի 19-ի N 596-Ն որոշում

Որոշումը հնարավոր է գտնել arlis.am-ում։