Ստորև նշված քայլերը անհրաժեշտ է կատարել «Շարունակել» կոճակը սեղմելուց հետո։

ՀՀ մարզերում (առայժմ միայն Արարատի, Արմավիրի, Կոտայքի և Լոռու մարզերն են սպասարկվում) ընդգրկված անշարժ գույքի շինարարական աշխատանքները սկսելու մասին տեղեկանք տրամադրելու համար անհրաժեշտ է․

• անցնել «ԵսԵմ» նույնականացում,
• դիմորդի էջում լրացնել անհրաժեշտ տվյալները,
• ընտրել շինարարական թույլտվություն ստանալու ենթակա գույքը,
• հերթականությամբ լրացնել անհրաժեշտ տվյալները և հանձնել դիմումը։ 
  
  

Ներկայացվող պահանջները

Շինարարական աշխատանքների սկսելու մասին տեղեկանքը ստանալու համար անհրաժեշտ է ունենալ․

• պետական գրանցում ստացած հողատարածք կամ անշարժ գույք և դրա սեփականության իրավունքի վկայականը,
• շինարարական աշխատանքների թույլտվություն,
• բջջային նույնականացման քարտ կամ նույնականացման քարտ և քարտն ընթերցող սարք:

Պահանջվող փաստաթղթերը

Առցանց դիմելու համար անհրաժեշտ է ունենալ․

• դիմողի անձը հաստատող փաստաթուղթը (իրավաբանական անձի դեպքում՝ պետական ռեգիստրի գրանցման վկայականի պատճենը), իսկ որպես օրինական ներկայացուցիչ հանդես գալու դեպքում՝ նաև համապատասխան լիազորագիրը,
• կառուցապատողի կողմից հաստատված նախագծային փաստաթղթերը,
• փորձաքննության դրական եզրակացությունը, իսկ սահմանված դեպքերում՝ նախագծային փաստաթղթերը մշակող կապալառուի գրավոր երաշխավորագիրը։

Տրամադրման կարգը և ժամկետը

• Տեղեկանքը ներկայացնելուց հետո մինչև 5 աշխատանքային օրվա ընթացքում այն ընդունվում է ի գիտություն համայնքապետարանի կողմից։
• Եթե հաստատված ընթացակարգով սահմանված ժամկետներում չի ներկայացվում տեղեկանքը, ապա դա հիմք է՝ տրված շինարարության թույլտվության գործողությունը համայնքապետարանի կողմից ժամանակավորապես կասեցնելու համար:

Հղում օրենսդրությանը

ՀՀ կառավարության՝ 2015 թվականի մարտի 19-ի N 596-Ն որոշում

Որոշումը հնարավոր է գտնել arlis.am-ում։