Ծրագրի շահառու դառնալու համար անհրաժեշտ է որպես գործազուրկ հաշվառված լինել ՀՀ աշխատանքի և սոցիալական հարցերի նախարարության Միասնական սոցիալական ծառայության տարածքային կենտրոններում և ներկայացնել անհրաժեշտ փաստաթղթերը այն սոցիալական տարածքային կենտրոն (սոցապ), որտեղ հաշվառված են։

Ներկայացվող պահանջները

Գյուղացիական տնտեսության աջակցություն ստանալու համար դիմող անձը պետք է բավարարի հետևյալ պահանջներին․

• աշխատաշուկայում լինի անմրցունակ,
• ունենա մինչև 3 հեկտար գյուղատնտեսական նշանակության հող, որն իրեն է պատկանում սեփականության իրավունքով կամ վարձակալված է կամ էլ ստացվել է անհատույց օգտագործման համար՝ առանց որևէ վճարի։

Ուշադրություն
Ծրագրից չեն կարող օգտվել գյուղատնտեսական վարկերի տոկոսադրույքների փոխհատուցման (սուբսիդավորման) պետական ծրագրերում ընդգրկված անձինք։

Պահանջվող փաստաթղթերը

Ծրագրում ընդգրկվելու համար անհրաժեշտ է ներկայացնել հետևյալ փաստաթղթերը․

• անձնագիր կամ նույնականացման քարտ,
• հողի սեփականատեր կամ վարձակալ, կամ անհատույց օգտագործող հանդիսանալը հավաստող փաստաթղթեր։
  
  

Ծրագրի ֆինանսավորումը և ժամկետները

• Մասնակցին վճարվում է օրական 4,000 դրամ։
• Գյուղտեխնիկայի օգտագործման դեպքում վճարվում է 5,000 դրամ ժամում։
• Աջակցության գումարը 50,000-350,000 դրամ է՝ կախված աշխատանքի ծավալից։
• Մասնակցության առավելագույն ժամկետը 180 օր է։
  
  

Տրամադրման ժամկետը և կարգը

Աջակցությունը տրամադրվում է դիմումը ներկայացնելուց հետո 23 աշխատանքային օրվա ընթացքում։ Ծրագրի մասնակցության դիմումը բավարարվելու դեպքում անձը կտեղեկացվի այդ մասին։