Ներկայացվող պահանջները

Ծրագրին կարող են դիմել քաղաքացիական կացության ակտերի գրանցման մարմիններում գրանցված ամուսնության մեջ գտնվող ամուսինները, որոնցից առնվազն մեկն ունի ՀՀ քաղաքացիություն (առանց տարիքային սահմանափակման և անկախ երեխա ունենալու հանգամանքից)։ 

Պահանջվող փաստաթղթերը

Ֆինանսական կազմակերպություն դիմելիս շահառուն պետք է ներկայացնի՝

• շահառուի և ամուսնու անձնագրերը կամ նույնականացման քարտերը,
• ամուսնության վկայական (եթե շահառուների ամուսնության պետական գրանցումն իրականացվել է օտարերկրյա պետությունում, ապա օտարերկրյա պետության իրավասու մարմնի տված փաստաթղթերը ներկայացվում են հյուպատոսական վավերացմամբ և նոտարական կարգով հաստատված հայերեն լեզվով թարգմանված տարբերակով),
• սահմանամերձ գյուղական բնակավայրում գտնվող հողամասի կամ կիսակառույցի նկատմամբ սեփականության իրավունքի վկայական, 
• համապատասխան աշխատանքներ իրականացնելու շինարարական թույլտվություն, նախագիծ/նախահաշիվ։

Այլ անհրաժեշտ փաստաթղթերի մասին տեղեկատվությունը տրամադրում է ֆինանսական կազմակերպությունը։

Աջակցության չափը

Աջակցությունը տրամադրվում է հիպոթեքային վարկի մայր գումարի 16 մլն դրամի և դրա գծով մինչև 13% տոկոսադրույքի չափով մարման համար։

Տրամադրման ժամկետը և կարգը

Վարկի տրամադրման կամ մերժման որոշումը կայացվում է առավելագույնը 16 աշխատանքային օրվա ընթացքում՝ որոշումների կայացման համար պահանջվող փաստաթղթերը ամբողջությամբ ներկայացնելուց հետո:

Հղում օրենսդրությանը

• ՀՀ կառավարության՝ 2022 թվականի հոկտեմբերի 6-ի N 1562-Լ որոշում
• ՀՀ կառավարության՝ 2014 թվականի դեկտեմբերի 14-ի N 1444-Ն որոշում

Օրենսդրական ակտերը հնարավոր է գտնել arlis.am-ում։