Ժամանակավոր օթևան ստանալու համար անձը պետք է անձամբ կամ ներկայացուցչի միջոցով դիմումը ներկայացնի իր փաստացի գտնվելու վայրի միասնական սոցիալական ծառայությունների տարածքային գործակալություն (համատիրություն) կամ ժամանակավոր կացարան։

Ուշադրություն
Եթե անձը միանգամից դիմում է ժամանակավոր կացարան, ապա մեկ օրվա ընթացքում կացարան տրամադրող կազմակերպությունն այդ մասին հայտնում է ոստիկանության տարածքային մարմնին, սոցիալական աջակցության տարածքային գործակալությանը (համատիրություն) և ՀՀ աշխատանքի և սոցիալական հարցերի նախարարությանը, ինչից հետո անձը գրանցվում է բնակչության պետական ռեգիստրում:

Ընդհանուր ժամանակավոր օթևանը տրամադրվում է 90 օրով։ Այնտեղ անձին տրամադրվում են աջակցության հետևյալ տեսակները՝

• բժշկական օգնություն և սպասարկում,
• սոցիալ-հոգեբանական օգնություն,
• իրավաբանական խորհրդատվություն։

Պահանջները, որոնց անհրաժեշտ է բավարարել

Ժամանակավոր օթևան ստանալու համար անհրաժեշտ է լինել չափահաս (18 տարին լրացած անձ):

Պահանջվող փաստաթղթերը

Ժամանակավոր կացարան ստանալու համար դիմելիս անհրաժեշտ է ներկայացնել անձը հաստատող փաստաթուղթ (առկայության դեպքում)։

Դիմումն ընդունելիս ժամանակավոր օթևան տրամադրող կազմակերպությունը հաշվառման քարտում գրանցում է տվյալ անձին վերաբերող տեղեկությունները՝

• անունը, հայրանունը, ազգանունը,

• ծննդյան տարեթիվը,

• սեռը,

• նրա վերջին կամ նախկին բնակության վայրը,

• մինչև օթևանի տրամադրումը հաճախորդի հայտնաբերման կամ գտնվելու վայրը,

• ընտանեկան դրությունը,

• կազմակերպություն ընդունման  և դուրսգրման ամսաթվերը,

• օթևանի կարիք ունեցող հաճախորդի մասին տեղեկատվություն տված իրավաբանական կամ ֆիզիկական անձի տվյալները:

Տրամադրման ժամկետը և կարգը

Ժամանակավոր օթևանը տրամադրվում է դիմումը ներկայացնելուց հետո 2 օրվա ընթացքում։ Այնուամենայնիվ, եթե անձն ի սկզբանե դիմել է հենց ժամանակավոր կացարանի, ապա նրան հնարավորություն է տրվում մնալ այնտեղ՝ մինչև ՀՀ աշխատանքի և սոցիալական հարցերի նախարարության կողմից 2 օրվա ընթացքում հաստատվի նրա կացարանում տեղավորվելը։

Հղում օրենսդրությանը

«Սոցիալական աջակցության մասին» ՀՀ օրենք։

Օրենքը հնարավոր է գտնել arlis.am-ում։