Վկայագիր ստանալու համար անհրաժեշտ է դիմել ՀՀ տարածքային կառավարման և ենթակառուցվածքների նախարարություն՝ ներկայացնելով անհրաժեշտ փաստաթղթերը։

Պահանջները, որոնց անհրաժեշտ է բավարարել

Վկայագիր ստանալու համար անհրաժեշտ է լինել ՀՀ-ում հաշվառման ենթակա ինքնագնաց ճանապարհաշինարարական, շինարարական և այլ մեքենամեխանիզմների ցանկում ընդգրկված ճանապարհաշինարարական, շինարարական տեխնիկայի սեփականատերեր։

Պահանջվող փաստաթղթերը

Վկայագիր ստանալու համար անհրաժեշտ է ներկայացնել հետևյալ փաստաթղթերը․ 

• ճանապարհաշինարարական, շինարարական տեխնիկայի, ինքնաշեն տեխնիկայի ագրեգատների ու հանգույցների ձեռքբերման օրինականությունը հավաստող փաստաթղթերը,

• արտադրող գործարանի կողմից տրված տեխնիկական անձնագիրը կամ դրա կրկնօրինակը (դրանց առկայության դեպքում),

• իրավաբանական անձինք` պետական գրանցման վկայականը, իսկ ֆիզիկական անձինք՝ անձը հաստատող փաստաթուղթը կամ պետական գրանցման վկայականը:
  
  

Վճարման չափը և կարգը

Հաշվառման համար անհրաժեշտ է վճարել 1,500 ՀՀ դրամ պետական տուրք։

Վճարումն իրականացվում է հետևյալ եղանակներից մեկով՝

• E-payments համակարգի միջոցով,

• բանկային փոխանցման միջոցով ՀՀ պետական բյուջեի հաշվեհամարին՝ 900005167714։ Փոխանցման նպատակի դաշտում պետք է նշել «Ինքնագնաց ճանապարհաշինարարական մեքենաների և մեխանիզմների գրանցման համար» (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը)։
  
  

Տրամադրման ժամկետը և կարգը

Վկայագիրը տրամադրվում է հաշվառման պահանջներին բավարարելուց և հայտը հաստատվելուց հետո 10 աշխատանքային օրվա ընթացքում։

Հղում օրենսդրությանը

• ՀՀ կառավարության՝ 2010 թվականի սեպտեմբերի 9-ի N 1251-Ն որոշում։

• «Պետական տուրքի մասին» ՀՀ օրենք։

Իրավական ակտերը հնարավոր է գտնել arlis.am-ում։