Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Կոռուպցիայի մասին հաղորդելու համար անհրաժեշտ է այցելել azdararir.am, սեղմել ազդարարման համար նախատեսված կոճակը և ընտրել ազդարարման տարբերակներից մեկը։ 

Անանուն եղանակով հաղորդելու համար պետք է՝

• ծածկագրել սարքի համացանցային հաղորդակարգի հասցեն (IP Address)՝ համաձայն Ուղեցույցում նշվող քայլերի, իսկ եթե արդեն ծածկագրված է, հաստատել ու անցնել հաջորդ քայլերին՝ լրացնելով անհրաժեշտ տվյալները,
• ընտրել անանուն եղանակով ազդարարման բաժինը, լրացնել անհրաժեշտ տեղեկատվությունը, առկայության դեպքում՝ կցել փաստաթղթեր կամ այլ նյութեր ու հաստատել։ 

Տվյալները ներկայացնելու եղանակով հաղորդելու համար պետք է՝ 

• այցելել azdararir.am,
• ընտրել ազդարարման բաժինն ու սեղմել համապատասխան կոճակը,
• ընտրել բաժինը, առաջարկվող դաշտերում լրացնել անհրաժեշտ տվյալները, առկայության դեպքում կցել փաստաթղթեր կամ այլ նյութեր ու հաստատել։

Հաղորդման ընթացքին հետևելու համար անհրաժեշտ է հաղորդելուց հետո պահպանել մուտքի տվյալները և դրանցով մուտք գործել համակարգ։ 

Գործում է հետադարձ կապի հնարավորություն, որի միջոցով հաղորդումը քննող մարմինը կարող է կապ հաստատել հաղորդողի հետ՝ անհրաժեշտ տեղեկություններ ու փաստեր հավաքելու կամ ուղարկելու նպատակով:

Հաղորդումը ՀՀ օրենքով սահմանված կարգով ենթակա է ստուգման, եթե հաղորդմամբ ներկայացվող տեղեկությունը բավարար չափով հիմնավորված է, վերաբերում է կոնկրետ պաշտոնատար անձի կամ մարմնի և պարունակում է տվյալներ, որոնք կարող են ստուգվել:

Հաղորդումը ստուգելու անհրաժեշտության դեպքում ՀՀ գլխավոր դատախազությունը այն փաստաթղթային տարբերակով ուղարկում է օպերատիվ-հետախուզական գործունեություն իրականացնող մարմին:

Միասնական էլեկտրոնային հարթակի միջոցով ՀՀ արդարադատության նախարարությունը երաշխավորում է կոռուպցիայի մասին հաղորդող անձի պաշտպանությունը՝ ապահովելով նրա անանունությունը: Դա երաշխավորվում է նրա համացանցային հաղորդակարգի հասցեն (Internet Protocol Address) ծածկագրելու տարբերակով:

Տրամադրման ժամկետը և կարգը

Երբ պարզվում է, որ կոռուպցիայի մասին հաղորդողը գործել է անբարեխղճորեն, ապա իրավասու մարմնի ղեկավարը կամ նրա լիազորած անձը դադարեցնում է նրան պաշտպանություն տրամադրելը, որի մասին որոշման կայացման պահից 3-օրյա ժամկետում ծանուցում է հաղորդողին:

Հաղորդումը ոչ իրավասու մարմին ներկայացվելու դեպքում, հաղորդում ստացած մարմինը 3-օրյա ժամկետում այն վերահասցեագրում է իրավասու մարմնին՝ այդ մասին ծանուցելով հաղորդող անձին։

Ներքին և արտաքին ազդարարման հիման վրա հարուցված վարույթի առավելագույն ժամկետը 30 օր է: Հարուցված վարույթի արդյունքում ընդունվում է համապատասխան ակտ, որի մասին ակտի ընդունման պահից 3-օրյա ժամկետում հաղորդողը ծանուցվում է։ 

Հղում օրենդրությանը

• «Ազդարարման համակարգի մասին» ՀՀ օրենք։
• «Կոռուպցիայի կանխարգելման հանձնաժողովի մասին» ՀՀ օրենք։ 

Իրավական ակտերը հնարավոր է գտնել Arlis.am-ում։