Փոխհատուցում ստանալու համար գրավոր դիմումը և պահանջվող փաստաթղթերը անհրաժեշտ է ներկայացնել ՀՀ աշխատանքի և սոցիալական հարցերի նախարարություն։

Ներկայացվող պահանջները

Ծրագրի շահառու կարող են դառնալ զինծառայողների ծնողները, ում զավակները՝

1. զոհվել են

• ՀՀ պաշտպանության մարտական գործողություններին մասնակցելիս,
• Հակառակորդի հետ շփման գծում ծառայություն իրականացնելիս,
• Հակառակորդի նախահարձակ գործողության հետևանքով,

2. անհայտ կորել են վերոնշյալ պայմաններում և դատական կարգով ճանաչվել են՝

• անհայտ բացակայող,
• մահացած,

3. կատարել են՝

• մարտական հերթապահություն,
• հատուկ առաջադրանք,
• ծառայողական պարտականություններ։
  
  

Պահանջվող փաստաթղթերը

Փոխհատուցում ստանալու համար դիմումին կից անհրաժեշտ է ներկայացնել հետևյալ փաստաթղթերը․

• շահառու ծնողներից յուրաքանչյուրի անձը հաստատող փաստաթուղթը,

• հանրային ծառայությունների համարանիշի (ՀԾՀ) կամ հանրային ծառայությունների համարանիշ չստանալու մասին տեղեկանքի պատճենը,

• դիմող շահառու ծնողի բանկային տվյալները (տրվում է բանկի կողմից),

• արտամարմնային բեղմնավորումը պետական պատվերի շրջանակներում իրականացնելու՝ ՀՀ առողջապահության նախարարի հրամանի պատճենը,

• փոխնակ մոր հղիության ժամկետի վերաբերյալ բժշկական կազմակերպության տված տեղեկանքը,

• փոխնակ մոր հետ կնքված և նոտարական կարգով վավերացված պայմանագրի բնօրինակը,

• վերարտադրողականության օժանդակ տեխնոլոգիաների կիրառման արդյունքում ծնված երեխայի ծննդյան վկայականի պատճենը (եթե դիմումը ներկայացվում է երեխայի ծնվելուց հետո),

• զինծառայողի զոհվելու մասին տեղեկանքը,

• զինվորական ծառայությունից արձակվելուց հետո մահացած զինծառայողի մահվան պատճառական կապի մասին բժշկասոցիալական տեղեկանքը` մարտական գործողությունների ժամանակ ստացած վնասվածքի կամ խեղման կամ ձեռք բերած հիվանդության պատճառով զինծառայողի մահացած լինելու վերաբերյալ (ներկայացվում է ըստ անհրաժեշտության),

• զինծառայողին անհայտ բացակայող կամ մահացած ճանաչելու վերաբերյալ վճռի պատճենը՝ ըստ անհրաժեշտության։
  
  

Տրամադրման ժամկետը և կարգը

Ծննդաբերությունից հետո փոխհատուցման գումարը նշանակվում և վճարվում է, եթե շահառու ծնողը դիմումը ներկայացնում է երեխայի ծնվելու ամսվանից հետո՝ 6 ամսվա ընթացքում: