Գրանցելու համար անհրաժեշտ է ՝

• ներկայացնել դիմում սպասարկման կենտրոն, կամ դիվանագիտական ծառայության մարմին,
• ներկայացնել անհրաժեշտ փաստաթղթերը,

Մահվան պետական գրանցման հիմքերն են՝ 

• բժշկական կազմակերպության կամ բժշկի տված՝ մահը հաստատող սահմանված ձևի փաստաթուղթը,

• անձի մահվան փաստի հաստատման կամ անձին մահացած ճանաչելու մասին դատարանի՝ օրինական ուժի մեջ մտած վճիռը,

• «Նոտարիատի մասին» օրենքով սահմանված կարգով նոտարի հաստատած իրավաբանական փաստի մասին նոտարական ակտը:

Պահանջվող փաստաթղթերը

• դիմում

Դիմումի մեջ անհրաժեշտ է նշել՝

• մահացածի անունը, հայրանունը, ազգանունը, ազգությունը (ազգությունը նշվում է մահացածի անձը հաստատող փաստաթղթերում՝ դրա առկայության դեպքում), ծննդյան վայրը և ժամանակը, սեռը, քաղաքացիությունը, մահացածի վերջին բնակության վայրը, ընտանեկան դրությունը, մահվան վայրը և ժամանակը,

• մահացածի անձը հաստատող փաստաթղթերի տվյալները,

• մահվան փաստը հաստատող փաստաթղթերի տվյալները,

• դիմում ներկայացնող անձի անունը, հայրանունը, ազգանունը և անձնագրային տվյալները,

• անհրաժեշտ այլ տեղեկություններ:

Դիմումին կից անհրաժեշտ է ներկայացնել՝

• բժշկական կազմակերպության կամ բժշկի տված՝ մահը հաստատող սահմանված ձևի փաստաթուղթը,

• դիմողի անձը հաստատող փաստաթուղթը (մահվան պետական գրանցման համար կարող է դիմել յուրաքանչյուր անձ),

• մահացած անձի անձը հաստատող փաստաթուղթը կամ դրա տվյալները,

• անձի մահվան փաստի հաստատման կամ անձին մահացած ճանաչելու մասին դատարանի՝ օրինական ուժի մեջ մտած վճռի պատճենը,

• «Նոտարիատի մասին» օրենքով սահմանված կարգով նոտարի հաստատած իրավաբանական փաստի մասին նոտարական ակտը:

Մահվան պետական վկայականը դիմումատուին տրվում է էլեկտրոնային եղանակով՝ դիմումատուի կողմից տրամադրած էլեկտրոնային փոստի միջոցով կամ թղթային կրիչի վրա։

Վճարման չափը և կարգը

Մահվան պետական գրանցման համար պետական տուրք նախատեսված չէ:

Տրամադրման ժամկետը

Մահվան պետական գրանցումը կատարվում է մահվան պետական գրանցման դիմումը և սահմանված փաստաթղթերը ներկայացնելու նույն աշխատանքային օրը:

Հղում օրենսդրությանը

• «Քաղաքացիական կացության ակտերի մասին» ՀՀ օրենք։
• «Պետական տուրքի մասին» ՀՀ օրենք։

Իրավական ակտերը հնարավոր է գտնել arlis.am-ում։