Փոփոխության համար ֆիզիկապես դիմելու համար անհրաժեշտ է՝

• անձամբ կամ ներկայացուցչի միջոցով այցելել ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալություն,
• կազմել ու ներկայացնել դիմում,
  
  

Ներկայացվող պահանջները 

Դիմելու համար անհրաժեշտ է լինել իրավաբանական անձի գործադիր մարմնի ղեկավարը կամ վերջինիս կողմից լիազորված ցանկացած գործունակ անձ։ 

Պահանջվող փաստաթղթերը

• իրական շահառուի հայտարարություն,
• կանոնադրության փոփոխությունները, լրացումները կամ նոր խմբագրությամբ կանոնադրությունը հաստատելու մասին իրավասու մարմնի որոշումը,
• կանոնադրության փոփոխությունները կամ լրացումները (կամ նոր խմբագրությամբ կանոնադրությունը),
• դիմում, 
• պետական տուրքի վճարումը հավաստող փաստաթուղթ։ 

Կանոնադրական կապիտալի ավելացման դեպքում դիմողը ներկայացնում է նաև ներդրումը հավաստող փաստաթղթերը: Կանոնադրական կապիտալի նվազեցման ժամանակ ներկայացվում է նաև գործադիր մարմնի ղեկավարի կողմից տրված տեղեկանքը պարտատերերից առարկություններ չստանալու վերաբերյալ: 

Վճարման չափը և կարգը

Առևտրային կազմակերպությունների փոփոխությունների պետական գրանցման համար սահմանված է պետական տուրք 10,000 ՀՀ դրամի չափով։ 

Այն հնարավոր է վճարել՝

• Բանկային փոխանցման միջոցով,
• Վճարային տերմինալի միջոցով,

Հաշվեհամար՝ 900005160719
Վճարման չափ՝ 10,000 ՀՀ դրամ
Նպատակ՝ Առևտրային իրավաբանական անձանց և դրանց առանձնացված ստորաբաժանումների կանոնադրությունների փոփոխությունների ու լրացումների, նոր խմբագրությամբ կանոնադրությունների, գործադիր մարմնի ղեկավարի փոփոխության, պետական միասնական գրանցամատյանում գրառման ենթակա տեղեկությունների փոփոխությունների գրանցման համար (բացառությամբ գործադիր մարմնի ղեկավարի տվյալների և առևտրային իրավաբանական անձանց մասնակցի տվյալների փոփոխության)։

Ոչ առևտրային կազմակերպությունների փոփոխությունների պետական գրանցման համար սահմանված է պետական տուրք 5,000 ՀՀ դրամի չափով։ 

Այն հնարավոր է վճարել՝

• Բանկային փոխանցման միջոցով,
• Վճարային տերմինալի միջոցով,

Հաշվեհամար՝ 900005160727
Վճարման չափ՝ 5,000 ՀՀ դրամ
Նպատակ՝ Ոչ առևտրային իրավաբանական անձանց, դրանց առանձնացված ստորաբաժանումների կանոնադրությունների փոփոխությունների ու լրացումների, նոր խմբագրությամբ կանոնադրությունների, գործադիր մարմնի ղեկավարի փոփոխության, պետական միասնական գրանցամատյանում գրառման ենթակա տեղեկությունների փոփոխությունների գրանցման համար (բացառությամբ գործադիր մարմնի ղեկավարի տվյալների փոփոխություն)։

Տրամադրման ժամկետը և կարգը

Գործադիր մարմնի ղեկավարի փոփոխության պետական գրանցումը կատարվում է 2 աշխատանքային օրվա ընթացքում։
Փոփոխությունները համարվում են կատարված դրանք գործակալության կողմից գրանցամատյանում գրառելու պահից:

Հղում օրենսդրությանը

• «Իրավաբանական անձանց պետական գրանցման մասին» ՀՀ օրենք 
• «Պետական տուրքի մասին» ՀՀ օրենք