Ստանալ կրծքագեղձի քաղցկեղի բուժում

BETA

We're still developing the platform. Your feedback will help us improve.

State support program

Healthcare

Ստանալ կրծքագեղձի քաղցկեղի բուժում

Ծրագրի շրջանակում 1-ից 3-րդ փուլի կրծքագեղձի քաղցկեղ ունեցող հիվանդներին տրամադրվում է տրաստուզումաբ դեղորայքը։

Currently, this service is available only in person. We are working on the online version.

Who Can Apply?

ՀՀ քաղաքացիներ

Application Duration

30-45 րոպե

Դեղորայքային այս բուժումը ստանալու համար պացիենտը պետք է դիմի համապատասխան բժշկական հաստատության իրեն բուժող բժշկին։

Ծրագրի մասին

Աջակցության այս ծրագիրն իրականացվում է բնակչությանը պետական պատվերով մատուցվող բժշկական օգնության և սպասարկման ծառայությունների շրջանակում։

Ներկայացվող պահանջները

Տրաստուզումաբ 600 մգ դեղով բուժում հիվանդները կարող են ստանալ, եթե՝

գտնվում են նախավիրահատական կամ հետվիրահատական (նեոադյուվանտ կամ ադյուվանտ) բուժման փուլում,
նրանց HER2/neu ռեցեպտորների ստատուսը հաստատված է իմունոհիստոքիմիական հետազոտությամբ (պատասխանը 3+),
HER2/neu 2+ պատասխանի դեպքում հաստատված է in situ հիբրիդիզացիա՝ ISH (FISH/CISH) հետազոտության որևէ եղանակով:

Պահանջվող փաստաթղթերը

Դեղորայքային այս բուժումը ստանալու համար անհրաժեշտ են․

հիվանդի էպիկրիզը (ներառվող տվյալները որոշվում են ըստ հիվանդության փուլերի),
հիվանդի անձը հաստատող փաստաթղթի, առկայության դեպքում՝ նաև բժշկական անհատական քարտի պատճենը,
կոնտակտային տվյալներ:

Աջակցության չափը

Հիվանդին դեղորայքն առաջին տարում հատկացվում է առավելագույնը դեղի 13 սրվակ, իսկ հաջորդ տարիներին՝ առավելագույնը 17 սրվակ քանակով։

Բժշկի որոշմամբ այս դեղորայքը կարող է 17 ներարկման փոխարեն կիրառվել 9 ներարկմամբ՝ վեց ամիս տևողությամբ (տարեց հիվանդների դեպքում)։

Տրամադրման ժամկետը և կարգը

Նախ հիվանդին բուժող բժիշկը և համապատասխան բաժնի վարիչը հաստատում են ախտորոշումը, որից հետո կատարվում է քիմիաթերապիայի ռեժիմի և տրաստուզումաբ դեղի նշանակումը։

Բուժվող հիվանդի կրկնակի էպիկրիզը 6 ամիս պարբերությամբ ներկայացվում է առողջապահության նախարարության ուռուցքաբանության գծով խորհրդատուին:

Կլինիկական փուլում լրացուցիչ հետազոտությունները ցուցված են կատարելու, եթե կան մետաստատիկ պրոցեսի առկայության կասկածներ.

արյան ընդհանուր քննություն,
նյութափոխանակության համապարփակ հետազոտություն, այդ թվում՝ լյարդի ֆունկցիոնալ թեստեր, հիմնային ֆոսֆատազայի որոշում,
ոսկրերի ռադիոնուկլիդային սցինտիգրաֆիա (կամ PET/CT*), եթե առկա է հիմնային ֆոսֆատազայի բարձր ցուցանիշներ, կամ առկա են գանգատներ ոսկրային ցավերից,
հիմնային ֆոսֆատազայի կամ լյարդի ֆունկցիոնալ թեստերի շեղումների դեպքում, որովայնային սիմպտոմների առկայության դեպքում, որովայնի և կոնքի ֆիզիկական, հետազոտության ժամանակ հայտնաբերվող շեղումների դեպքում ցուցված է որովայնի և կոնքի օրգանների կոնտրաստ համակարգային շերտագրման (ՀՇ) հետազոտություն կամ մագնիտառեզոնանսային հետազոտություն կոնտրաստով,
կրծքավանդակի ՀՇ հետազոտություն կոնտրաստով, եթե առկա են թոքային ախտանիշներ,
PET/CT (տվյալ հետազոտության փոխարեն կարող է հիմք ընդունվել պոլիօրգանային կոնտրաստ համակարգային շերտագրման հետազոտությունը)։

Եթե կլինիկական փուլը համապատասխանում է ≥ T2, M0 կամ ≥N1, M0, ապա էպիկրիզում պարտադիր է հետևյալ տվյալների առկայությունը․

հիվանդության պատմություն և ֆիզիկական քննություն,
բիլատերալ մամոգրաֆիայի տվյալներ,
անհրաժեշտության դեպքում սոնոգրաֆիկ հետազոտության տվյալներ,
անութափոսերի հետազոտության տվյալներ՝ ուլտրաձայնային հետազոտություն, դիտարկել կասկածելի ավշային հանգույցների մաշկային բիոպսիա,
ուռուցքի պաթոլոգիական հետազոտության տվյալներ,
ուռուցքի իմունոհիստոքիմիական հետազոտություն, ռեցեպտորային ստատուսի որոշում,
հղիության թեստի պարտադիր կիրառում ծննդաբերելու պոտենցիալ ունեցող բոլոր կանանց մոտ (ոչ պարտադիր)։

Հղում օրենսդրությանը

ՀՀ առողջապահության նախարարի՝ 2020 թվականի մարտի 25-ի N 1094-L հրաման
Հրամանը հնարավոր է գտնել ՀՀ առողջապահության նախարարության moh.am կայքում։

For service support:

Working hours:
9:00 AM - 6:00 PM

Phone number:
(+374) 060 80-80-03

Hot line:
8003

Service Provider

Ministry of Health of the RA

[email protected]https://www.moh.am