Ստանալ մանկաբարձական և գինեկոլոգիական հիվանդանոցային բուժօգնություն

BETA

We're still developing the platform. Your feedback will help us improve.

State support program

Healthcare

Ստանալ մանկաբարձական և գինեկոլոգիական հիվանդանոցային բուժօգնություն

Պետության կողմից երաշխավորված անվճար հիվանդանոցային բժշկական օգնության և սպասարկման շրջանակներում (պետական պատվեր) ՀՀ տարածքում գործող բժշկական կազմակերպություններում իրականացվում է մանկաբարձական և գինեկոլոգիական բժշկական սպասարկում։

Հիվանդանոցային բժշկական օգնությունը տրամադրվում է այն դեպքերում, երբ հնարավոր չէ իրականացնել բուժում կամ ախտորոշում արտահիվանդանոցային պայմաններում, պացիենտի առողջացումը հնարավոր է ապահովել միայն հիվանդանոցում, կամ նա ունի շրջապատի համար վտանգ ներկայացնող հիվանդություն:

Currently, this service is available only in person. We are working on the online version.

Who Can Apply?

ՀՀ և օտարերկրյա քաղաքացիներ

Application Duration

15-20 րոպե

Delivery Duration

Սահմանված չէ

Մանկաբարձական և գինեկոլոգիական հիվանդանոցային բուժօգնություն ստանալու համար պետք է դիմել տարածքային, իսկ շտապ դեպքերում՝ ամենամոտ բժշկական հաստատություն։

Ծրագրի մասին

Աջակցությամբ տրամադրվող բուժօգնությունը ներառում է.

հղիների նախածննդյան հիվանդանոցային բուժօգնություն և սպասարկում` հղիության ախտաբանական ընթացքի և պտղի ներարգանդային ախտահարման դեպքերում,
հղիների և ծննդաբերների ծննդալուծման և հետծննդյան (ներառյալ նորածինները) խնամք,
հղիների, ծննդաբերների բարդացած ծննդաբերության և հետծննդյան (ներառյալ հիվանդ նորածինների) խնամք ու բարդությունների բուժում,
հղիության, ծննդաբերության և հետծննդյան շրջանում էքստրագենիտալ (արտասեռական) ախտաբանությունների բուժում` մասնագիտացված պրոֆիլային բժշկական կազմակերպություններում (բաժանմունքներում)՝ ներառյալ բժշկական ցուցումներով ստորին սիներակի ֆիլտրի տեղադրումը` խորանիստ երակների թրոմբոզի դեպքում,
անհետաձգելի բժշկական օգնություն և սպասարկում կանանց գինեկոլոգիական հիվանդությունների դեպքերում,
հիվանդանոցային պլանային բժշկական օգնություն պետական պատվերից օգտվող բնակչության համար,
մինչև 22 շաբաթական ժամկետով հղիության արհեստական ընդհատումների (աբորտների) իրականացում` սոցիալական և բժշկական ցուցումների դեպքում,
մինչև 12 շաբաթական հղիության արհեստական ու ինքնաբեր ընդհատման դեպքում ցուցաբերվող բուժօգնություն։

Ներկայացվող պահանջները

Աջակցությունից կարող են օգտվել․

ՀՀ քաղաքացիություն ունեցող կանայք, դեռահաս աղջիկները,
Լեռնային Ղարաբաղից բռնի տեղահանված կանայք,
ՀՀ քաղաքացու հետ գրանցված ամուսնության մեջ գտնվող օտարերկրյա քաղաքացի կանայք,
օտարերկրյա քաղաքացի կամ քաղաքացիություն չունեցող կանայք՝ համաձայն միջազգային կամ միջպետական փաստաթղթերի դրույթների,
ՀՀ-ում փախստականի և ապաստան հայցողի կարգավիճակ ունեցող հղի կանայք՝ ՀՀ քաղաքացիների համար սահմանված ընթացակարգով,
Վրաստանի Ջավախք տարածաշրջանի՝ Հայաստանում բնակվող հայազգի կանայք (ծննդաբերությունների, ինչպես նաև շտապ կամ անհետաձգելի մանկաբարձական ախտաբանությունների դեպքում):

Պահանջվող փաստաթղթերը

Մանկաբարձական և գինեկոլոգիական հիվանդանոցային բուժօգնություն ստանալու համար անհրաժեշտ է ներկայացնել․

անձը հաստատող փաստաթուղթ,
հանրային ծառայությունների համարանիշ (ՀԾՀ) կամ ՀԾՀ-ի բացակայության մասին տեղեկանք,
ամուսնության վկայական՝ ՀՀ քաղաքացու հետ գրանցված ամուսնության մեջ գտնվող օտարերկրյա քաղաքացի կանանց դեպքում,
Ջավախքի բնակիչների դեպքում անհրաժեշտ է ներկայացնել Ջավախք հայրենակցական միության միջնորդագիրը և տեղեկանք բնակության վայրից (կարող են պահանջվել նաև այլ փաստաթղթեր)։

Հղում օրենսդրությանը

ՀՀ Առողջապահության նախարարության՝ 2013 թվականի նոյեմբերի 29-ի N 80-Ն հրաման
Հրամանը հնարավոր է գտնել arlis.am-ում։

For service support:

Working hours:
9:00 AM - 6:00 PM

Phone number:
(+374) 060 80-80-03

Hot line:
8003

Service Provider

Ministry of Health of the RA

[email protected]https://www.moh.am